موسكوتشو بالفلان

السلام عليكم ورحمة اللهتعالى وبركاته

اليوم راح أنقدم لكم موسكوتشو بطعم آخر أتمنى أنه يعجبكم وتدعولي إن شاء الله

المقادير :

العجينة : ثلاثة حبات بيض

نصف كأس سكر أحرش

إثنين ملاعق عسل

كأس زيت

كأس حليب

فرينة باش نشيحوها ثلاثة خميرة القاطو

مقادير الكريمة :خمس ملاعق سكر

نصف لتر حليب

ياكي إلى إثنيتن فلون كيما تحبيه أو إذا كان ماعنذكش لفلون تحطي الكاكاو (حسب الرغبة )

إثنين ملاعق نشاء

مغرف زبدة

طريقة تحضير العجينة :

نضع في البيض + السكر +العسل ونخلط جيدا حتى يذوب السكر بالخلاط أوباليد حسب الإمكانيات تم نضيف الزيت ونحرك ومبعد الحليب ونحرك ونشيح بشوية فرينة مخلوطة بالخميرة تم بقية الفرينة الخليط مايكونش ثقيل بزاف ولاخفيف بزاف عادي تم نذهن الصينية بالزبدة ونضع الخليط ونضع الخليط في الفرن وفي نفس الوقت نحضر الكريمة

طريقة عمل الكريمة :

نضع في كسرولة الحليب + النشاء ونحرك حتى يدوب النشاء ومبعد نضيف السكر والفلان أو الكاكاو ونحرك تم نضعهم على نار هادئة مع التحريك المستمر حتى تصبح الكريمة ثقيلة ننزعها من النار مباشرة نضعها على العجينة وهي سحونة (العجينة سخونة والكريمة سخونة) ونزينها حسب الرغبة بالكاوكاو مرحي أو بالبسطاش أو بالنواد كوكو كيما تحبي ونتركها تجمد تم نقطعها كيما تحبو

ملاحظة : العجينة لما توضع في الفرن لاتفتح الباب عليها ، ومدة الطهي لاتزيد عن عشرة دقائق )

جربوها وماتندموش

والسلام عليكم ورحمة الله تعالى وبركاته